AZƏRTAC Qazaxıstanda keçiriləcək “GASTHERM EXPO-2026” sərgisinin rəsmi beynəlxalq media tərəfdaşıdır

Azərbaycan Dövlət İnformasiya Agentliyi (AZƏRTAC) 25-27 avqust tarixlərində Astanada keçiriləcək “GASTHERM EXPO – 2026” sərgisinin rəsmi beynəlxalq media tərəfdaşı olub.

“GASTHERM EXPO – 2026” tədbirinin təşkilatçıları bu barədə sərginin rəsmi “Instagram” səhifəsində məlumat veriblər.

Məlumatda qeyd edilib ki, AZƏRTAC ilə beynəlxalq tərəfdaşlıq sərginin əhatə dairəsini genişləndirəcək və “GASTHERM EXPO – 2026”nın əsas tədbirlərini beynəlxalq auditoriyaya təqdim edəcək.

“GASTHERM EXPO – 2026” Astanadakı EXPO Beynəlxalq Sərgi Mərkəzində keçiriləcək. Sərgidə sənaye və məişət avadanlıqları, texnologiyaları, habelə qaz, su, istilik sistemləri üçün xidmətlər nümayiş etdiriləcək.

Təşkilatçılar AZƏRTAC-ın Azərbaycanın rəsmi və ictimai əhəmiyyətli xəbərləri yayan, həmçinin beynəlxalq tərəfdaş şəbəkəsinə malik olan aparıcı dövlət informasiya agentliyi olduğunu vurğulayıblar.