Kəlbəcərdə Od çərşənbəsi tonqalı qalanıb
26
Kəlbəcərlilər ilaxır çərşənbələrdən ikincisi olan Od çərşənbəsini uzun illərdən sonra ilk dəfə olaraq doğma yurdlarında qeyd ediblər.
AZƏRTAC-ın bölgə müxbiri xəbər verir ki, Kəlbəcər şəhərində axşam saatlarında bayram tonqalı yandırılıb. Sakinlər tonqal ətrafına toplaşaraq Novruzun ikinci çərşənbəsini birlikdə qeyd edib, baharın gəlişini 33 ildən sonra ilk dəfə olaraq doğma yurdda qeyd etməyin sevincini bölüşüblər. Mərasimdə Novruz mahnıları səsləndirilib, tonqal ətrafında “Yallı” rəqsi oynanılıb.
