İran və Azərbaycan arasında əməkdaşlıq sənədi imzalanıb

Bu gün Tehranda İran və Azərbaycan arasında əməkdaşlıq sənədi imzalanıb.

Bu barədə Trend İranın Yol və Şəhərsalma Nazirliyinə istinadən məlumat verib.

Məlumata görə, sənədi İranın yol və şəhərsalma naziri Fərzanə Sadiq və Azərbaycanın Baş nazirinin müavini Şahin Mustafayev imzalayıb.

Sənəddə iki ölkə arasında nəqliyyat, gömrük, neft, qaz, su, elektrik, preferensial ticarət, investisiya sahələrində yeni əməkdaşlıq qapıları açılacağı və iki ölkənin əlaqələrinin maksimum inkişaf etdirilməsi nəzərdə tutulub.

Qeyd edək ki, 21 və 22 yanvarda Tehranda İran və Azərbaycan Birgə İqtisadi Komissiyanın 16-cı iclası keçirilib.