Hidayət Heydərov 4-cü dəfə Avropa çempionu! - VİDEO - FOTO

Cüdo üzrə Avropa çempionatı davam edir.

İdman.biz xəbər verir ki, Xorvatiyanın paytaxtı Zaqrebdə keçirilən yarışın ikinci günündə Azərbaycan millisinin üç cüdoçusu tatamiyə çıxıb.

Onlardan üçqat Avropa çempionu Hidayət Heydərovu növbəti dəfə Avropa çempionatının qalibi olub.

Kişilər
73 kq
Hidayət Heydərov ikinci mərhələdən tatamiyə çıxıb. O, İndrit Kalhacla (Albaniya) qarşılaşıb və qələbə qazanıb. Üçqat Avropa çempionumuz 1/8 finalda portuqaliyalı Otari Kvantidzeni də məğlub edib. Cüdoçumuz üçüncü qarşılaşmasında komanda yoldaşına qalib gələn Ruslan Qoluvaçovla (AİN) münasibətinə aydınlıq gətirib və revanşla yarımfinala vəsiqə qazanıb. Heydərov bu mərhələdə Adil Osmanovdan (Moldova) da üstün olub. Hidayət 4-cü çempionluq uğrunda Danil Lavrentyevlə gücünü yoxlayıb. Gərgin keçən görüşdə qalib əlavə vaxtda bəlli olub. Danilin 3-cü cərimə xalını alması Hidayətin çempionluğu ilə nəticələnib.